Intressant da saver e las pli stedias damondas
Noss prezis ein calculai per notg e combra. Cumpri ein las taxas ed in solver vegetaric abundont. La taxa da cura ei buca cumprida e setracta da CHF 4.50 per notg e persuna.
Nus risguardein bugen intolleranzas ed allergias duront il solver. Nus supplichein Vus da comunicar Vos giavischs gia avon che Vus arriveis, per che nus havein avunda peda da preparar tut.
Per reservaziuns directas sur E-Mail relaschein nus a Vus 10% per dimoras naven da treis notgs.
Per Vossa entira dimora survegnis Vus da nus ina Panoramacard da la regiun. Ella lubescha a Vus da duvrar ils Bus digl STI senza cuosts. Plinavon profiteis Vus en numerus museums, cumplex da sport e da bia auter. Il megler eisi, sche Vus numneis a nus tut ils nums dallas persunas ch'accumpagnan Vus, gia avon che Vus arriveis. Aschiasavein nus lura gia presentar Vossas cartas cura che vus arriveis.
Sin damonda mettin nus bugen a disposiziun in letg d’affons.
Las combras en nossa casa historica ein contonschiblas (senzas aszensur) cun ina scala.
Las combras numera 1 entochen 4 sesanflan ella secunda alzada e partan ensemen dus bogns. Las combras numera 5 e 6 sesanflan ella emprema alzada e porschan in agen bogn en combra. La combra minimalistica numera 7 sesanfla en nossa cuort e cuntegn in agen bogn en combra.
Nus vein negins televisurs ni talas distracziuns, tutina vegn nuot a muncar a Vus.
Animals da casa ein bucca lubi tier nus. Nus essan ina casa da nunfimaders. Vus astgeis fimar avon nis hotel .
Per Vos velos dat ei in areal public nua che Vus astgeis deponir els. Prendi cun in agen mischlos. Deplorablamein porscha nies baghetg vegl bucca avunda spazi per deponer Vos velos tier nus.
Vies auto parceis Vus il megler en ina dallas garagas che sesanflan ella vischinonza. Nus cussegliein il Schlossbergparking ni il City Nord/Grabengut. En omisduas garagas veis Vus la pusseivladad da retrer cartas per plirs dis che cuostan pauc. Per descargargar Vies auto astgeis Vus bugen parcar cuort avon nies hotel.
Damai che nus essan in manaschi fetg pign essen nus savens a cumprar en, curtin ni ella Aara a senudar, vid leger in cudisch intressant, essen semplamein ina gada buca cheu, ni colurein gest ina gada puspei il Stockhorn da niev. Nus suplichein Vus da contactar nus ad uras pertuccond Vies arriv. Duront las uras d’avertura da nies restaurant essen nus denton adina dentuorn.
La partenza ei entochen las 11:00. Bugen astgeis Vus deponir Vossa bagascha tier Nus il di da partenza.